រដ្ឋមន្ត្រីក្រសួងបរិស្ថានចុះទៅមើលក្រុមហ៊ុន UDG នៅខេត្តកោះកុង តែមិនបានទៅជួបអ្នកភូមិ
យោងតាមបុគ្គលិកអង្គការសិទ្ធិមនុស្សម្នាក់និងមន្ត្រីខេត្តម្នាក់បានឲ្យដឹងថា លោក សាយ សំអាល់ រដ្ឋមន្ត្រីក្រសួងបរិស្ថានមិនបានទៅជួបក្រុមអ្នកភូមិដែលជាប់ពាក់ព័ន្ធក្នុងវិវាទដីធ្លីដ៏យូរមកហើយជាមួយក្រុមហ៊ុនអភិវឌ្ឍន៍សហជីព(UDG) ជាក្រុមហ៊ុនចិនឡើយ ថ្វីបើលោកបានចុះទៅជួបបុគ្គលិករបស់ក្រុមហ៊ុននេះនៅក្នុងខេត្តកោះកុងកាលពីម្សិលមិញក៏ដោយ។ លោក សាយ សំអាល់ បានទៅដល់ខេត្តកោះកុងតាមឧទ្ធម្ភាគចក្រ ដោយបានឈប់មួយភ្លែតដើម្បីចុះទៅពិនិត្យមើលស្នាក់ការកណ្តាលរបស់គម្រោងសាងសង់រមណីយដ្ឋានដែលចំណាយទឹកប្រាក់៣,៨ពាន់លានដុល្លារ ដែលដីសម្បទានទំហំ៤៥.០០០ហិកតារបស់ក្រុមហ៊ុននេះត្រូវបានកាត់ចេញពីឧទ្យានជាតិបទុមសាគរ ធ្វើឲ្យអ្នកភូមិមានការខកចិត្ត និងស្រងាកចិត្ត ហើយនិយាយថា ពួកគាត់មិនទាន់ទទួលបានសំណងនៅឡើយទេ បន្ទាប់ពីផ្ទះសំបែងរបស់ខ្លួនត្រូវបានដុតបំផ្លាញកាលពីខែមករា។ …
ហ៊ុល រស្មី
http://www.cambodiadailykhmer.com/news/11187/
